Во еден динамичен и конкурентен свет, управувањето со хотели и угостителски објекти стана многу повеќе од само услужување гости. Денешните менаџери се соочуваат со низа предизвици — од секојдневни административни обврски, преку технички поправки, до анализа на податоци и планирање стратегии за раст. Токму тука влегуваат во игра паметните технолошки решенија.

Компанијата B&G Soft, преку своите специјализирани софтвери Hospes (наменет за хотели) и Barresto (создаден за угостителски објекти), нуди моќни алатки што не само што го поедноставуваат секојдневното работење, туку овозможуваат и реална трансформација на целиот бизнис модел.

Времето е пари – и тоа повеќе од кога било

Hospes, хотелскиот софтвер на B&G Soft, автоматизира низа клучни процеси како резервации, управување со соби и процесирање на податоци. Наместо менаџерите да трошат време на административни задачи, тие добиваат можност да се фокусираат на планирање, подобрување на услугите и раст на бизнисот.

Замислете го следново: секоја телефонска резервација одзема околу 15 минути од работното време. Ако гостите можат сами да резервираат преку веб-страница, тоа значи директна заштеда на време и ресурси, што долгорочно се претвора во зголемени приходи.

Помалку стрес, повеќе организација

Хотелското работење често знае да се претвори во лавина од задачи – интервјуа со персонал, технички поправки, приговори од гости, маркетинг кампањи. Со Hospes, секој сегмент од работењето добива структура. Системот овозможува подобра организација, брза реакција на проблеми и намалување на поплаки, како од гости така и од вработени.

Од друга страна, Barresto им нуди на угостителите моќна аналитика – не само податоци за продажба, туку и длабинска анализа на трошоци и профитни маргини. Со вакви информации, носењето деловни одлуки станува информирано и прецизно.

Паметни одлуки, поголема добивка

Barresto овозможува корисниците да ги прилагодат цените врз основа на реални податоци, задржувајќи ја профитабилноста без ризик да ги загубат клиентите. Преку анализа на трошоци, менаџерите можат однапред да предвидат зголемувања и навремено да ги вклучат во ценовната стратегија – намалувајќи го ризикот од чести и непредвидени промени во цените.

Технологија создадена за вас

Она што ги прави решенијата на B&G Soft посебни е нивната фокусираност на реалните потреби на хотелиерите и угостителите. Со над 20 години искуство во индустријата, компанијата не само што нуди софтвер, туку обезбедува и целосна поддршка за негово интегрирање и користење. Корисниците не остануваат сами – целиот процес е воден, едноставен и ефективен.

Флексибилност која одговара на секој бизнис

Без разлика дали управувате мал семеен хостел, ресторан со неколку маси или луксузен хотел со стотици гости, Hospes и Barresto се прилагодуваат на вашите потреби. Тие растат заедно со вашиот бизнис, овозможувајќи ви не само да се справите со секојдневните обврски, туку и да направите вистинска разлика на пазарот.